مصر جابت الكاس

[-h/كاس+افريقيا000+(1).jpg][/url]افرح ياشعب خلا ص مصر جابت الكاس
اكتب يا تاريخ ...اكتب يا شعب...اكتبى يا بلد...فليكتب الجميع
انه فى الدقيقة75 و42 ثانية سجل ابو تريكة بخفية الجون الاوحد فى مرمى الكاميرون بعد ما الراجل الاسمرانى سحل محمد زيدان ومسح بيه الارض..معلش يا زيزو كله يهون عشان خاطر الكاس
والله انفع معلقة بس الحظ
ما علينا
الصورة اللى فوق دى
دى انا مصوراها من تحت لتحت من البلكونة بتاعتنا وزى ماحضراتكم شايفين كمية الناس اللى قاعدة فى القهوة وبرة القهوة ويمكن على القهوة!!
وفى كمان فيديوهات صورتها بمناسبة اللحظة الجميلة دى بس ماحبتش احطها عشان صوتى طلع فيها وانا بزعق وماما بتزعق واختى بتزعق وتقريبا كانت كل الناس بتزعق
والاعلام رفرفت فى الهوا وكمية شتايم ابيحة مش عارفة جت منين بس اهو بيظهروا فرحتهم وخلاص
وبمب وصواريخ ونيران مولعة الدنيا
دة انا حتى نمت امبارح الساعة 2 بعد نص الليل بتفرج على البيت بيتك وبتفرج على الاحتفالات فى مصر وفرحتهم والممثلين اللى كانوا مستضفينهم كانت فرحة بجد وربنا يديم الفرح

والحمد لله اننا اخدنا الكاس وبدعا اللعيبة والامهات
دة انا يمكن مادعيتش كدة وانا باخد نتيجة الثانوية العامة!!
يالا مبروك لمصر النصر ومبروك لشعبها اللى ناقص فرحة.. افرح يا شعب محدش واخد منها حاجة
وكل سنتين وانتوا طيبين

تحيااااااا مصر يا عم الحج

جد مولضيعك تجنن
وتحيا مصر على راى احمد