مين احلى عمر ولا نانسى

مين احلى نانسى عجرم ولا عمرو دياب

ياريت تقولو رايكم بصراحه

من كام يوم كنت فى زيارة عائلية و كانت تجمع بين ازواج و بنات و اولاد واصبحت العادة ان التليفزيون يكون مفتوح على طول حتى لو محدش بيتفرج عليه.. نوع من التغلب على الخلفية الصامتة لو الكل سكت فجاة
و فعلا الكل سكت فجاة لما بدات اغنية نانسى عجرم فى حفلة كانت عاملها و لابسة فستان جميل اهو..

و بدات التعليقات عليها من انها امورة و مغرية و بريئة و اغلب التعليقات كانت من الجانب الرجالى لكن الزوجات كان فى حقد و غيرة منها و ده بان لما اتقال البركة فى عمليات التجميل .. اصل الفلوس تعمل اكتر من كده ..هى الاخلاق باظت من شوية
و انتهت الاغنية و لكن سابت اثارها فى الناس من رغبة ، لتمنى ، لغيرة ، لتدبير لخناقة قبل النوم او يمكن حتى فى الطريق للبيت

بعدها بشوية طل علينا عمرو دياب باغنيته الجديدة و هو مصورها فى امريكا مع بنت موديل فعلا جميلة بردو

و تانى التعليقات بدات على الموديل بس البعض كانت مش عجباه لانها رفيعة حبيتن تلاتة
و هنا انا استغربت
فين عمرو دياب طيب من الحوار ده ؟؟
و قلت عمرو دياب كمان احلو اوى وشكله صغر
و كان رد الفعل كالاتى البنات قالوا اه فعلا بقى احلى ده بقى واووو و الولاد منهم اللى قال انا اشتريت نضارة زى بتاعته و اللى قال اه اصله عمل عملية تجميل و التالت اناعجبنى انه عنده عضلات
اما الازواج فسكتم بكتم
يمكن واحد علق منهم انه عامل مكياج
.
.
ليه طيب الرجل من حقه يتغزل فى اى واحدة حلوة و يتكلم عن مفاتينها و عن لبسها و عن دلعها
و الست متقدرش تفتح بؤها و تقول اه الرجل ده عجبنى فى استايل ليبسه او عيونه او او
خالينا بعيد عن الدين لان الدين كان واضح و صريح ان الاتنين لازم يغضوا البصر

دايما الرجل شايف نفسه لا يعيبه شىء غير جيبه و انه فى اى وقت هو مرغوب و مليون واحدة ترضى به
لكن الست مليون حاجة تعيبها من اول شعرها لو مش مقصوص كويس لحد صوباع رجلها الصغير لو فيه كالو

هى الست مالهاش نفس هى كمان يكون زوجها مهتم بنفسه و بشكله
هى الست لما بتشوف رجل تانى شكله جذاب مش بيعجبها
ولا الرجل دايما بيقنع نفسه ان مراته مش هتبص لحد تانى و يعجبها
ليه الرجل بيندب حظه لما يتفرج على الكليبات اللى فيها فنانات و كأنه هو مثلا نجم من نجوم السينما و اتجوز الانسة حنفى؟؟
طيب فكرت للحظة لو واحد زيك نانسى عجرم دى شافته هيعجبها ولا لا ؟؟
فكرت للحظة انك لو فعلا وفرت لمراتك الفلوس اللى تعمل بها عمليات تجميل و تروح لاكبر بيوت ازياء و موضة هتكون عاملة ازاى ؟

بتنهار الرجالة على دلع نانسى
و جسم هيفاء
و عيون رولا
وشفايف اليسا

طيب خدوا بالكم بقى لان فى
عيون عمرو دياب
ابتسامة صابر الرباعى
شعر وائل كافورى
وحنية فضل شاكر

اخر الكلام
انا مش بقول كل واحد يبص على مزاجه و يقول اللى عجبه
انا هنا عايزة كل واحد يفكر قبل ما يتكلم عن جمال واحدة مشهورة قدام زوجته او حبيبته لان المقارنة انت كمان مش هتنجح فيها و زى ما المقارنة مش هتعجبك بينك و بين عمرو دياب بلاش بردو تقارن بينها و بين نانسى عجرم

ملحوظة
مسألة الجيب دى-اللى بيقول الرجل انها الشىء الوحيد اللى يعيبه - موجودة بردو عند المشهورين دول و يمكن اغنى مننا كلنا

والله يا أشرف عمرو دياب انا بحبه
ونانسي بحبها علشان روحي قلبي بيحبها

زائر

نانسى دى عسوله وغمرو دياب بحب اغانيه وبكره شخصيته
ونسيت تقول تامر
والست او البنت لازم تقول رايها احنا فى قرن العمولمه اظن المراءه قت قاضى ووزيز ومش بعيد تكون رئيس جمهوريه

المراءه رحم الحياه

بجد موضووووووووووووووووووووووووووووع نااااااااااااااااااار زيك يا اشوف

زائر

مشكور يا اشر ف على المواضيى النا دى و يا ريت اكتر من كده

:[url=http://sm

زائر

عمرو هوا الكنج
انا بحب عمرو اووووووووووووووووووووى
ومشكووووووووووووووركتير
تقبل مرورى

انا مش عارفه ده قسم لرياضه ولا للفنانين

انما ايه بتمرنوا كويس جدا هالفنانين الرياضه بتعمل رشاقه لزوم الفن

نانسى بنوته رقيقه
وعمرو الهضبه بقاله اكتر من 25 سنه بيغنى وعمرنا مسعنا عن منافسه بين عمرو وونانس دايما نانسى وروبى واليسا هيفا كده
لكن عمرو ديما هو وتامر وجورج

بس موضوع جميل يااشرف