مـظـلـوم يـاحــــــــــــــب

مظلوم يا حب ولا ظالم ولا ايه
مين فينا جاني ومين مجني عليه
لازم ياقاضى الحب تحكم بعدل وحنان
مين فينا صان الهوى ومين اللى خان
مستنى عدلك يتحكي بين الحبايب
عن عاشق قلبه بينكوى من النار ودايب

ليك الحكايه تتحكي
ودموعى ليك بتشتكي

ظلمتنى الدنيا وجرحتنى والجرح خطير
عزمتنى فى حفله وخلتني فى غرامها اسير
ونهاية الحفله وهمتنى بحب كبير
من الفرحه برفرف وبغنى زي العصافير
وفى حلمى اخدها على جناحي من الدنيا واطير
وليالى العمر معديه مش باقى كتير

قالت حبك دا الاول واخترتوا اخير
من كتر العشق اللى فى قلبى من النسمه بغير

قولتلها كل اللى فى قلبى من غيراسرار
قولتلها الجنه فى بعادك تتحول نار
اخترتك بس من الدنيا ودا احلى قرار
بصيت فى عينيها المكسورة وبقيت محتار
ولقيتها فى حزن بتتكلم وتقول اعذار.
بتقول اعذار ..اه... بتقول اعذار

مظلوم يا حب ولا ظالم ولا ايه
مين فينا جانى ومين مجنى عليه
لازم ياقاضى الحب تحكم بعدل وحنان
مين فينا صان الهوى ومين اللى خان
مستنى عدللك يتحكى بين الحبايب
عن عاشق قلبه بينكوى من النار ودايب