فيش وتشبية ايد ورجل لكل الاعضاء

ممكن بعد اذنك يا خيال اكون انا
ضيفه الاسئله فى الاول
لو مكنش يضايقك ولا يضايق اى حد من الاعضاء

- - عرف نفسك
نـــدى ماجـــد

1- اية رايك فى المنتدى والنظام الحاكم وانتا اية السبب الى خالك تعمل فيش معانا
بحب المنتدى وبحب كل الموضوعات اللى فيه
وعلشان كدا حبيت اشارك ( ممكن)

2- نفسك فى ايه يتعمل فى المنتدى ولسة متعملش
بجد المنتدى عجبنى اوى
وبصراحه كل يوم انتوا بتجددو يوم عن يوم

3- اية اكتر قسم بتحب تقعد وبرتاح لما بتكون موجود فية
قسم الشعر والخواطر
وباقى اقسام المنتدى
بجد المنتدى كله عجبنى

4 - بصراحة حبيت كام واحدة فى المنتدى وسابتك او بعتدو عن بعض
كل اعضاء المنتدى اخواتى
وانا بحترامهم جدا

5- بتؤمن بالحب من اول نظرة
انا بأمن ان الحب موجود فى
اى مـــكان واى زمــان

6- ممكن تحب من على النت
المهم انى اكون بحبه
ويكون اللى بحبه صادق فى حبه ليا

7- ماهى مواصفات فتاة احلامك
صادق و حنون ومتفاهم
ابئا كل حياته وحبنى اوى

8- اية هيكون رد فعلك لو حبيت واحدة وطلعت جزائرية ؟
انا صحيح بحب مصر اوى
بس انا بأمن ان مش كل اناس زى بعض
ومش بحب اخد حد بذنب حد
بس بتمانى انه يكون مصرى

9- انتا عصبى بتشجع فريق اية
انا انسانه عاديه
شويه كدا واكتير بكون هاديه
بحب الاهلى

10- انتا برج اية
الدلــو

11- جبت كام فى الثانوية العامة
94,2%

12- تعمل لو شوفت واحد بيسرق ومافيش حد شايفة غيرك
اية هيكون تصرفك
بصراحه انا جبانه اوى
بس على حسب الموقف اللى قدامى
هتصرف هبلغ عنه بس هخد حرصى منه

13- طب لو طلع الراجل دة عضلات ولو اتكلمت ممكن هيحصل طخطخطخطخاية
هصورة بالموبايل وابلغ عنه
وقول كل اللى شوفته

14- بتحب تاكل اية واية افضل اكلة عندك واوحش اكلة برضة
بحب كل حاجه
بس مش بحب الحمه الضانى

15- كام مرة انضربت من ولدك وكام مرة جبت ملحق وانتا عارف ان احنا داخلين على العيد والكحك والبيدفور بيكترو اليومين دول
الحمد الله دايما من المتفوقين
وبعدين بابا مش عنده الا انا
وانا الاخيرة كمان ودلوعه بئا
يعنى مش فى ضرب
بس ممكن انه يزعل منى شويه(زى 10 دقايق كدا بس)

16- ممكن تحب بنت من على النت ؟
الحـــب موجود فى كل مكــــان

17-اية رائيك فى الناس الى بتتجوز من على النت
مش اتجوزه ربنا يهانيهم
هههههههههههههههههه

18- مين اكتر عضو بتحب تتكلم معاة
كل الاعضاء اخواتى
وبحترمهم كلهم

19- لو بقئيت انتا صاحب المنتدى هتعمل اية جديد اية افكارك الى هتعملها فى عشاق الغرام
هعمل قسم الاعياد واشوف اعياد ميلاد
الاعضاء وكل واحد اهنيه بعيد ميلاده
وكمان احنا عندنا فى مصر اعياد طول
السنه كل مناسبه اهانى الاعضاء واقول
موضوع عن العيد اللى موجود فى الفترده
دى وكمان اشوف المنتدى محتاج ايه واعمله

20- من تكون الانثى التي تقف امامها ضعيفا !! ( متقولش امي )
طبعا انا لازم اجاوب على اساس انه ذكر
انا عن نفسى لما بكون على حق مش بخاف
من حد او مش بكون ضعيفه انما طبعا لو
غلطانه بكون كدا ضعيفه ولازم انى اعتذر

21-عندما تكون معجبا بها .. ماهي طريقتك في الوصول الى قلبها
كل انسان وله طريقه للوصول الى قلبه
وعلى حسب كيان الانسان اللى قدامى
هقدر انى اوصله اى شىء حبه انه يعرفه

22- من هو مثلك الاعلى ولدك طب ولو مش ولدك من يكون ؟
تيته بتعجبنى فى كل شىء
عقلها طريقه تعملها مع الناس
وبعرف منها كل شىء عن اى حاجه

23- في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك
انا برضو هرد على اساس انه ذكر
انت قولت كاااااان يسكن القلب
يعنى بئا ذكرة سواء كانت ذكرة جميله
او غير كدا فاهو ذكرة ولو فى مجال
بينا للحوار اكيد هسلم عليه واطمن على اخبارة
ولو مش فى مجال للحوار اكيد هكون
مبسوطه انه بيعيش حياته زى ماهو
اختارها وهتمنى ليه السعاده

24- كم مرة تنازلت عن مبادئك من اجل انثى
اللى بيحب بيقدم تنازلت بس مش فى المبادء
فى حاجات مش ينفع فيها التنازل وفى حاجات متاحه

25- هل تتزوج من تحبها .. ام تحب من تتزوجها !! وايهما تراه اجمل ؟
انا اتجوز من احبه ويحبنى
لان هنكون متفاهمين وفى بنا حب
واحترام وحاجات كتيرة
ممكن مش القيها مع اللى اتجوزة كدا وبعدين احبه

26- هل تبوح لزوجتك باخطائك .. وهل تغفر لها أخطائها
اكـــــــــــــــــــــيد
علشان ابدأ صفحه جديدة من حياتى
لازم انهى صفحه فاتت سواء كانت
حلو او غير ذلك ولازم
علشان تبدأ صفحه جديدة مع انسان
لازم يكون فى تسامح من الترفين

27- لو معاك المايك تحب تقول اية للبنات وللصوبيان اعضاء عشاق الغرام
اهلا بيكم اخوانى اعضاء المنتدى
انا مبسوطه جدا انى معاكم واننا
أسرة وحده أتمنى للجميع التوفيق
وادعوكم ونفسى بتقوى الله

28- اية الحلم الى بتنام تحلم بية وعايزة يتحقق فى المنتدى او فى حياتك الخاصة ؟
انا بحلم بالخير والسعاده للجميع
وبتمانى الحق يكون دايما سيد الكون
وان الناس كلها تحب بعض

29- ما هم الاعضاء المقربين لقلبك ؟
اعضاء المنتدى كلهم اخواتى
وده شىء يشرفنى جدا جدا
اما المقربين ليا محمد واشرف
وخيال هانى وبيرى وأميرة
واحمد وملاك الحب والزائر
والله كلهم بحبهم وبحترامهم

30- لو صحيت من النوم لقيت شعرك وقع هتعمل اية معا العلم ان شعرك دة كان سبب جمالك
على فكرة انا مأمنه جدا بقضاء الله
ولو ده اختبار من ربنا هقول الحمد الله
على عطاء الله وبرضو هشوف ممكن
انى اعرف اعالج المشكله دى ولا لاء
الطب دلوقتى اتقدم ومفيش حاجه اسمها مستحيل

31- اية اول حاجة بتحلم بيها وعايزها تتحقق النهارة قبل بكرة
بحلم انى اخلاص الكليه
وافتح الصيدليه بتاعتى
ادعولى

32- لو لقئيت مصباح علاء الدين وطلع ليك العفريت اية اول حاجة هطلبها منة
اللى هطلبه منه مش هيقدر عليه
وانا عرفه ده كويس هطلب منه
يخالى الخير والحب فى قلوب كل الناس
يا اما يقلل الشر والكراهيه اللى فى قلوب الناس
لانه مش هيقدر يمحيها

33- ايه رأيك في صاحب الموضوع
اخ عزيز عليا
وانسان محترم
وزوقه عالى اوى
وربنا يوفقه فى حياته انشاء الله
ارجو انى مكنش ضيفه تقيله عليكم
وفى انتظار الفيش بتاعى
يمنياتى للجميع بالحب والسعاده

ميرسى ليك يا خيال بس انا كدا مش عرفت ايه الفيش بتاعى

وبالنسبه لــ أحمد اخبارة ايه ومشغول فى ايه ياترى0 لعل المانع خير

على العموم ربنا معاه فى اى حاجه

وانا بضم صوتى لصوتك وبقول لـــ بيرى يلا منتظرينك

ميرسى يا خيال على الموضوع الجميل ده تسلم ايديك

ميرسى جدا يا خيال دى شهادة اعتز بيها

وشرف ليا كبير اوى اوى

ليه بس دا أنا غلبانه والله

هو الطيب مش ابن عم حد ولا ايه

وبعدين لو هرجع وابئا معاك مش مشكله

بـــــــــــــــــس مش متهــمـــــــــــــــــه