هسامحك...

كان صعب عليا فى يوم أنساك..
و لا قادر حتى أنسى لقاك..
أنا الي عشت عمرى معاك..
و طول حياتى انا بستناك..
و غرقت بشوقى فى حب هواك..

هسامحك..
بمشاعرى حتى مش حسيت..
كنت فاكرك حضن و بيت ..
و ما صدقت و قلت انا حبيت..
و ليوم الفرح أنا قلت ياريت..
و استنيت..
يمكن تكون لقلبى أنت حنيت..
و مش لوعودى أنت نسيت..
بس ياروحى خلاص مليت..
زى ما رحت زى ما جيت..

هسامحك..
رغم كلامك كله عذاب ..
حتى لو كلام أصحاب..
و قفلت لقلبى كل باب ..
مش باقى منك غير عتاب ..
و أنا الى قلت الشوق غلاب..
برجع و اقول حبنا ده سراب..
عمرنا ما كنا فى يوم أحباب..
و لا حتى عملنا أى حساب ..
و الحنان بين أيديك غاب..
و قلبك لقلبى دايما ساب..
و عشنا بعيد زى الأغراب..

هسامحك..
يمكن تحس أنك ندمان ..
و قلبك معايا هو فى أمان ..
و انا الى علمتك معنى الحنان..
بعد ما قلبى كان ولهان ..
و بحبك كان أروع انسان..
مش هنسى لحظه من زمان..
هعيش حياتى بروح فنان..
لو حتى هكون حبيب غلبان..
هلون السما أجمل ألوان ..
و هزرع بسمه فى كل مكان..
لو حتى أسير وسط الأحزان..

هسامحك..
هسامحك خلاص و أداوى جرحك..
هعيش حياتى فى وقت بعدك..
هنسى وقت ما جيت بغدرك..
فكرت بعقلك مش بقلبك..
و جريت ورا حلم هو هدفك..
حلم ضايع و هيبقى ندمك..
و الفرح عمره ما كان جايلك..
من الحزن كنت فى عينى شايلك..
بس مقدرتش من عمايلك ..
سبت عقلى يحكم على قلبك..
يبعد عنك و ينسى زعلك..

هسامحك..
حب عمره ما كان غرام ..
حبك كان حب انتقام..
من الزمن و من الأحلام ..
و حتى كمان مش لاقى كلام..
و لا قادر أبعت حتى سلام..
و الى مبينا هو خصام ..
يفضل بينا طول الأيام ..
يمحى الفرحه و يزيد الألام..
و حياتنا تبقى قصر أوهام..
بنينا الحلم رغم ظلام..
هديته ليه أنا قلت حرام..

هسامحك...




منقول