حكاياتي اللى انا عشتها .. كلها تشبه بعضها :), قصة واقعية حدث

عارفين أغنيه عمرو دياب بتاعت حكاياتي اللى انا عشتها ... كلها تشبه بعضها

فى الأول مكنتش عارف اكتب ولا لأ بس بصراحه انا قلت اكتب قصتي واشاركها معاكم و ياريت تقبلوها مني هي حكاية غريبه شويه مراحل كتير مرت بيا بس هحاول اني مكنش تقيل عليكم ... ياريت تستحملوني

كنت فى الثانويه العامة ماليش هم غير المذاكرة من الآخر موضوع البنات ده ملغي من عندي او من الأساس ملوش أساس مخدتش بالي ان فيه بنات و ولاد ولما كانت بنت تكلمني كان وشي يحمر على رأي شادية ( مكسوفه .. مكسوفه منك ) المهم التنسيق بعتني زي ما بعت كل شباب مصر و روحت هندسة بس فى الصعيد بالتحديد فى المنيا وكل معلوماتي ساعتها كانت ان المنيا دي بيوت مبنيه بالطين وستات لابسه أسود و رجاله بجلبيات وشنبات و بنادق من الأخر حاجه كده زي مسلسل ذئاب الجبل مع العلم أني من وجه بحري

حكاياتي اللى انا عشتها .. كلها تشبه بعضها :), قصة واقعية حدث Alamsri_small

حكاياتي اللى انا عشتها .. كلها تشبه بعضها :), قصة واقعية حدث Alamsri_small

المهم لما روحت المنيا بصراحه البلد جميله جداً وانصحكم بزيارتها و هناك قابلت واحد من بلدي وكان معايا فى الفصل فى

الثانوي بس مش زيي خالص بالعكس كان مقطع السمكة و ديلها وهو اللى طلب مني اني اشاركه السكن و كان اول حوار بينا ان الغربة مش هتنفع من غير شله لازم نعمل شله وفضلنا ليله بحالها نقول لازم نعمل شله و اتفقنا ان اللى يعرف بنت يعرفها على التاني ( شباب بقي و لاحظوا اننا لسا طالعين من الثانوي ) و بكده نعمل شله المهم تاني يوم فى المدرج كنا قاعدين وورانا احلي اربع بنات فى المدرج وواحده فيهم استلمت كتفي كل 5 دقائق الاقي صباع على كتفي وكلمة لو سمحت فابصلها تقولي هي الكلمه اللى فى اول سطر ايه على اليمين والمشكله ان صاحبي هو اللى يجاوب متنسوش اني وش كسوف و فضلت تسألني وصاحبي يجاوب لغايه ما ربنا كرمنا والدكتور جاله تليفون وطلع بره المدرج و فى ظرف 3 دقائق يا ناس ( المعلم ) صاحبي كان خلص معاهم و اتعرف عليهم و اتفقوا يتقابلوا بعد المحاضرة المهم بعد المحاضرة كنت فرحان اخيراً هروح المريخ ... اقصد هكلم بنات هو كان معاهم وانا اديته وقت يعرفهم بأسمي والكلام ده .. مقدمة يعني لكن لما روحت نحيتهم لقيته هو جي نحيتي وو قفني قالي ايه رايح فين

قلتله : ايه مش هتعرفني ولا ايه .. قالي : لا يا حبيبي عرفني على بنت اعرفك على الاربعه ... ( هبل فى هبل ) والله انا مكسوف وانا بكتب الكلام ده بس فعلاً هو ده اللى بيحصل المهم انا زعلت منه جداً لكن هو بعد كده قالي انا عايزك تتجرأ المهم هو قالي الكلمتين دول والدم جري فى عروقي اتضايقت قوي اتديرت وطلعت المدرج زي الطور و ببص على الارض وانا بمد فى المشي فجأه وانا ببص على الارض لاقيت شوز حريمي طلعت بعيني من تحت لفوق لقيت بنت تخيلوا اول مرة هقف مع بنت وهي بصراحه وقفت غصب عنها لأني سديت عليها الطريق المهم اول كلمه قلتها انتي اسمك ايه قالتلي سارة وكانت مخضوضة يا عيني ( مين الأهبل اللى بيسالني على أسمي ده ) وانا قلتلها وان اسمي تامر تعالي نقعد ورا J ( يا نهار غشم ... غشيم يا جدعان ) المهم ضحكت وقعدت جنبي فى المدرج المهم ابو السباع اللى سالها على اسمها من لحظه فاتت بقي بطة بلدي هى اللى اتكلمت وعلمتني العاب على الورق وهزرنا و لاقيت الموضوع عادي جداً البنات طبيعين يا جدعان يعني ممكن الاقتراب منهم سبحان الله المهم اللى مكنتش اعرفه بعد كده اني كنت احتمال كبير اشرف فى السجن بسبب سارة

حكاياتي اللى انا عشتها .. كلها تشبه بعضها :), قصة واقعية حدث Prisoner

كفايه كده المرة دي لو حد عايزني اكمل كفايه واحد بس يرد عليا وانا هكمل بس احس ان فيه حد مهتم واتمني اني مكنش تقلت على حد و آسف لو كنت تقلت على حد وياريت تقبلوني صديق ليكم

على فكرة دى مش قصتى

مستني ردود

حكاياتي اللى انا عشتها .. كلها تشبه بعضها :), قصة واقعية حدث 56

زائر

ماشي يا عمي كمل قصصك وانا متابعة لك

ايه الصور الجامده دى

بس موضوع جنان
مشكور

مشكوور على مروركم

زائر

موضوع جنان ياحبيبى

واححححححشتنى

ربنا يخلكى ليا يا قلبى
وحشانى انتى اكتر والله