كنت عاوزة اسألكم هتعملو اية في رمضان
فكرتم ؟؟
مافيش وقت؟؟
فية طبعا ناس هتقول فكرنا
طبعا في العزومات و الاكل و المسلسلات و الياميش و تلال الاكل اللي قاعدين نشتري فيها من قبل رمضان زى مانكون داخلين علي مجاعة...
هوه ده رمضان
اكل و يا ميش
مسلسلات كلها اسفاف
تفتكروا ربنا منتظر مننا ايه في رمضان
عبادة ،صلاة ، قرآن
حد فيكم فكر في رمضان بطريقة تانية
ربنا امرنا بأية في رمضان
سمعتوا عن الناس اللي كانوا مبهدلين وزير التعليم العالي علشان الدراسة تبدأ بعد رمضان
يا تري الناس دول كانو متعصبين قوي كدا علية لية تفتكروا مثلا علشان كان نفسهم يقضوا نهارهم بيقروا قرآن و بالليل بيصلوا التراويح و صلاة القيام
لا طبعا
علشان رمضان هيبقي حر و الاولاد لازم يفضلوا نايميين لبعد الساعة 4 العصر طبعا مش هيناموا بعد الفجر بشوية
لية؟
مش واخدين بالكوا ولا اية دول هم يدوبك الفين تسعمية تلاتة و اربعين مسلسل كلهم اهبل من بعض يعنى مين اللي هيتفرج علي الكلام ده كلة
و طبعا الاولاد ماشيين علي اللي اتربوا علية
فية كام اسرة ملتزمة عموما علي مدار العام
بلاش في كام اسرة ملتزمة في رمضان
لية رمضان بقي شهر المسلسلات و الفوازير و الخيم ( وبلاش نتكلم علي كارثة الخيم دى علشان محدش يجيلوا ضغط دم )
اية الله حصل علشان شهر العبادة عند العرب بقي شهر للهو و الغفلة
و بعد دة كلة المسلمين مستغربين قلة البركة و انتشار الفواحش و الظلم و الغلا
" لا يغير الله ما بقوم حتي يغيروا ما بانفسهم"
يا تري هتغيروا حاجة هتبدؤا بنفسكم يمكن يتصلح حالنا ؟؟؟
اتمني نبدء مع بعض من اول رمضان نطهر قلوبنا و بيوتنا و نصلي لربنا بجد و نقرا قرآن و نسيبنا من المسلسلات و الكلام الفارغ
و بلاش اطنان الاكل اللي بتطبخ و يترمي اكثر من نصها
يعنى ان كان لازم نشتري كل الاكل ده نحسب اكلتنا اد اية و الباقي نخرجة للفقرا
لو وقتنا فاضي قوي و ماورناش حاجة ننزل نشوف الناس محتاجين اية
و اللي بيخرج اى مبلغ علي سبيل الصدقة يا ريت ينزل بنفسة ويشوف الناس اللي رايحلهم المبالغ دى عايشيين ازاي يمكن قلوبنا الميتة تصحي
لازم نرجع لربنا و نتقي الله يمكن نقدر نغيير حاجة
موضوع: هتعملو اية في رمضان 
الأحد أغسطس 24, 2008 8:10 pm
